Codir y gwahaniaeth rhwng graffiti a chelfyddyd stryd yn y ffilm fer Ffrangeg hon o gyfryngau cymysg. Mae dyn ar stryd mewn ardal drefol. Gwna lun â chwistrell o driawd o adar ar y wal, ac mae’n rhyfeddu pan ddaw’r adar yn fyw a hedfan o amgylch y murluniau a’r graffiti sy’n addurno’r concrit. Yn y pen draw, mae’r arwyddion gweledol eraill ar y waliau yn ymuno, mewn dathliad o gelfyddyd a rhyddid sy’n herio dealltwriaeth normadol o beth yw celf a beth all celf fod. Bydd awyrgylch gwrthddiwylliannol, annibynnol y gwaith hwn yn taro tant gyda phobl ifanc 12-15 oed ac yn ysgogiad da ar gyfer creu arteffactau diwylliannol mewn amgylchedd ystafell ddosbarth. Mae rôl graffiti yn erbyn celfyddyd stryd yn ddigonol ynddi’i hun, ond mae symbolaeth y ffilm hefyd yn ffordd bwerus o ystyried rhyddid i symud, rhyddid, a sut y gall celf ein helpu i fynegi hyn. Gwaith arall yn y casgliad sy’n defnyddio gweledolrwydd graffiti, mewn ffordd wahanol, yw Scribble, llyfr lluniau di-eiriau gan yr artist Palestinaidd Rina Hamed.
