Llythrennedd Diwylliannol yn DIALLS

Mae “llythrennedd diwylliannol” yn derm a fathwyd gan ED Hirsch yn y 1980au fel banc gwybodaeth y teimlwyd y dylai pobl ifanc yn yr Unol Daleithiau allu gweithredu’n effeithiol yn eu cymdeithas. Cynhwysodd Hirsch restr o syniadau diwylliannol yr oedd yn teimlo eu bod yn adlewyrchu’r hyn ‘mae angen i bob Americanwr ei wybod’. 

Yn DIALLS, rydym yn meddwl amdano’n wahanol: er ein bod yn cytuno bod meddu ar wybodaeth am hanesion a syniadau diwylliannau yn bwysig, mae ein dull gweithredu’n symud y tu hwnt i lythrennedd diwylliannol fel gwybodaeth.

Rydym yn defnyddio’r term “llythrennedd diwylliannol” i gynnwys yr agweddau a’r sgiliau sydd eu hangen ar bobl i gyd-fynd â’i gilydd mewn bywyd bob dydd. 

Mae empathi’n allweddol i fod yn lythrennog yn ddiwylliannol, gan ei fod yn ein galluogi i ddeall a chynnwys gwahanol safbwyntiau a gwerthoedd sy’n cael eu hadlewyrchu ym mywydau pobl. Mae sgil cydweithredu hefyd yn hanfodol, ac mae hynny’n gofyn am ymarfer: i gydweithredu’n dda, dylai pobl werthfawrogi amlrywiaeth, parchu eraill a bod yn barod i oresgyn rhagfarnau a chyfaddawdu (Senedd Ewrop, Cyngor yr Undeb Ewropeaidd 2006).